Директорот на Милан: Премиер лигата веќе е како Суперлига

Генералниот директор на Милан, Иван Газидис смета дека англиските клубови направиле голем чекор напред пред другите клубови на Стариот континент.

Тој смета дека главна причина за тоа е што инвестирале во инфраструктура и имаат свои стадиони.

„Премиер лигата драстично се промени се претвори во еден вид Суперлига поради новите стадиони на клубовите. И ние во Серија А треба да го направиме тоа. Италијанскиот фудбал заостанува бидејќи не инвестира во инфраструктура“, смета Газидис.

„Изградбата на новиот стадион во Милано е од клучно значење за да се вратиме на врвот, како на теренот така и надвод од него. Новиот стадион ќе биде еден од најубави и најмодерни во светот и ќе ни носи големи приходи“, додаде Газидис.