Димитар Ѓорѓиев по четврти пат светски шампион во кик-бокс!

Македонија по четврти пат благодарение на Димитар Ѓорѓиев ќе има светски шампион во кик-бокс. Денес нашиот најдобар кикбоксер стигна до златото на Светското првенство во италијанскиот град Језоло.

Ѓорѓиев се натпреваруваше во категоријата лоу-кик, до 81 килограми и ја потврди доминацијата. Во финалето беше супериорен против Босанецот Никола Дробњак кого го победи со 3:0. Претходно со истиот резултат славеше против Дано од Италија, Даковиќ од Србија и Николов од Бугарија.

За Ѓорѓиев ова е четврта светска титула, зад себе има и европско злато во 2018 година.