Диего Коста прифати 6-месечна затворска казна

Напаѓачот на Атлетико Мадрид, Диего Коста како и многу други познати фудбалери беше обвинет за затајување на данок, а денес ја призна вината.

Коста беше обвинет од страна на шпанските власти дека затаил данок во висина од 1,1  милион евра, а за да избегне судски процес, денес напаѓачот се изјасни како виновен.

Коста одлучи да ја прифати казната затвор од 6 месеци, која ќе може да се замени со парична, па напаѓачот ќе ја плати казната.

Наместо шест месеци позади решетки фудбалерот ќе плати 600.000 евра, а тоа е сума која тој ја заработува за неколку недели.

Потсетуваме, порано шпанскиот суд ги осуди Лео Меси, Кристиано Роналдо, Жозе Мурињо…