Детали за повредата на Лазаров: Познато колку време ќе отсуствува

Капитенот на македонската репрезентација Кире Лазаров се повреди во 11 минута од натпреварот против Шпанија, па поради тоа во вчерашниот натпревар против Чешка изведе само три седмерци.

За денешниот натпревар против Данска селекторот Раул Гонзалес одлучи да го остави капитенот на трибините, а на негово место шанса за настап ќе добие Гоце Ојлески.

Денес стигнаа и првите детални резултати од повредата на нашиот капитен.

Според истите Кире ќе мора да биде надвор од терените околу еден месец, најмалку три недели, а повредена е неговата задна ложа, односно станува збор делумно скинат мускул. Лазаров рехабилитацијата ќе ја продолжи и во неговиот клуб, Нант.