Дерби на денот: „Кралот“ не треба да се отпишува

Денес продолжуваат натпреварите во Лигата на шампиони, а секако дуелот помеѓу Манчестер Сити и Реал Мадрид е во центарот на вниманието.

Овој дуел според многумина е финале пред финалето, а после првиот меч во Мадрид, кој заврши без победник, јасно е дека не очекува уште еден спектакл на „Етихад“.

Сити сака репираза од минатата година

Сити неколку сезони одигра легендарни дуели со Реал и обично победникот од тие дуели на крајот го креваше престижниот пехар. Целта на „граѓаните“ повторно е иста, но овој пат ќе биде многу потешко да се одбрани трофејот. Гвардиола иако пред првиот меч имаше кадровски проблеми, сепак Сити покажа дека е можеби најдобар тим во светот во моментов и беше блиску до победа во Мадрид. Сега ќе ја има предноста од домашниот терен, а се очекува за овој дуел да се врати и Кевин де Брујне. Минатата сезона „граѓаните“ славеа со високи 4:0 и го понижија Реал, а секако сонот е да повторат уште еден таков меч што нема да биде лесно.Во секој случај тимот на Гвардиола е благ фаворит,но знаат дека Реал не смее никогаш да се отпише.

„Кралот“ не го кажал последниот збор

Лигата на шампиони е во ДНК на Реал Мадрид и „кралевите“ секоја година атакуваат на најпрестижниот трофеј. И оваа сезона се еден од најголемите фаворити во Лигата на шампиони, а тоа го потврдија со игрите во групната фаза. Меѓутоа во првиот меч не го искористија домашниот терен и се спасуваја од пораз, па сега ќе имаат тешка задача. Минатата година овиде поминаја многу лошо, па сигурно ќе играат претпазливо. Сепак, Анчелоти е експерт за вакви натпревари и знае дека може да ја оствари целта и после продолженија или пенали. Поради тоа не се очекува Реал да тргне безглаво бидејќи му одговара и реми, па веруваме дека тактичкото знаење на Италијанецот може да биде пресудно.Ова е секако финале пред финалето, а тимот на Анчелоти имаат нерасчистени сметки со „граѓанте“ од минатата сезона.

Очекување

Дуел на двата најсилни тимови на светот во моментов, па исто како во првиот меч очекуваме возбудлив натпревар со многу голови.