Дерби на денот во ЛШ: Јувентус гостува кај Виљареал

Серискиот победник на Лига Европа, Унаи Емери, има за цел да напредува во Лигата на шампионите со Виљареал кој во првиот меч го пречекува Јувентус на Естадио де ла Керамика во рамки на осминафиналето.

Жолтата подморница заврши на второто место во групата Ф зад Манчестер Јунајтед, додека Јуве беше на врвот во групата Х, пред актуелниот европски и светски шампион Челзи.

ЕМЕРИ САКА УСПЕХ ВО ЛИГАТА НА ШАМПИОНИТЕ

Блескавиот успех на Емери во второто ниво на европското континентално натпреварување е неспоредлив, но поранешниот тренер на Арсенал и Пари Сен Жермен никако не може да дојде до позначаен успех во Лигата на Шампионите, дури и со многу посилни екипи од Виљареал.

Виљареал беше добар во групната фаза – и покрај тоа што претрпе два порази од Манчестер Јунајтед. Но пласманот во оваа фаза го обезбеди во последното коло на гостувањето кај Аталанта кога славеше со 2:3. Со тој натпревар го потврди своето место во нокаут рундата во Лигата на Шампиони за прв пат од 2009 година.

Арнаут Данџума беше херојот на Жолтата подморница, а холандскиот напаѓач уште ја потврди својата класа минатиот викенд. Данџума постигна хет-трик во победата од 1:4.

Домашната серија од четири натпревари без пораз за кое време тие освоија 10 поени од можни 12 и примија само еден гол – е токму она што беше потребно пред оваа битка. Сега момците на Емери се крајно мотивирани, а самодовербата пред своите навивачи е на крајно високо ниво.

ЗА ЈУВЕНТУС Е ВАЖНО ДА НЕ ИЗГУБИ

Колку помалку се зборува за поразот од 4:0 на Стемфорд Бриџ, толку подобро за Јуве. Сепак, Масимилијано Алегри уживаше во пет победи од пет натпревари на неговата екипа во групата Х и на крајот заврши прв со 15 бода. Само трите совршени екипи – Ајакс, Ливерпул и Баерн Минхен напредуваа со подобар скор.

Сепак, Јуве почна да кикснува во Серија А и е далеку од титулата. Тоа може да значи дека Алегри ќе се насочи повеќе кон Лигата на Шампионите, но тоа е малку веројатно. Се наоѓаат на 4-то место во Итгалија со само три бода повеќе од Аталанта и со натпревар повеќе, а тоа значи дека не им е загарантирано ниту местото во Лигата на Шампиони следната сезона.

Јуве не се загреваа за овој натпревар на идеален начин – мораше да се задоволи со реми 1:1 со Торино во Дерби дела Моле, а тој резултат предизвика големо разочарување кај навивачите.

Јуве го има својот осми последователен настап во нокаут рундата, но проклетството во 1/16 финалната фаза ги измачуваше во последните две години, откако испаднаа од Лион во 2020 година пред тој обесхрабрувачки излез во Порто минатата година.

Сега имаат само една цел, елиминација на Виљареал, а за такво нешто ќе мораат да останат непоразени во Шпанија, но тоа ќе биде тешка мисија ако се знае дека Алегри не може да смета на Киелини, Бонучи, Дибала, Киеза, Пелегрини …