Дерби на денот: Битката за Милано, во центарот на вниманието Аргентинците

Во големото дерби на италијанската лига Интер ќе го пречека Милан и ќе се обиде да стигне до седмата победа во низа.

Тимот на Лучијано Спалети во овој натпревар влегува како фаворит после шест победи во низа во сите натпреварувања, додека Милан е во серија од осум натпревари без пораз, со три нерешени средби.

„Дерби дела Мадонина“ како што се нарекува судирот на овие два тима е едно од најголемите дерби во светот и ќе биде одиграно по 168-ми пат.

Најавите се дека не чека одличен натпревар во кој би можеле да видиме и повеќе погодоци.

Нападите на миланските гиганти ќе ги предводат Аргентинеци, на една страна капитенот на Интер, Мауро Икарди, а на другата засилувањето на Милан, Гонзало Игуаин.

Во екипта на Интер под знак прашалник за настап се Шиме Вршаљко, Марсело Брозовиќ и Дани Д’ Aмбросио. Од друга страна црвено-црните не можат да сметаат на стоперот Матија Калдара и бекот Иван Стриниќ.

Интер во овој момент се наоѓа на третата позиција во Серија А со 16 освоени бодови од осум натпревари, додека Милан е десетти со 12 бодови и натпревар помалку.

Oва се и составите со кои се очекуваат да настапат Спалети и Гатузо.