Дербито на врвот со три пенали го доби Струга!

Екипата на Струга со два пенали го доби дербито против Шкупи и славеше со 2:1, па така на врвот на табелата сега има предност од четир ибода.

Од почетокот натпреварот беше полн со дуели и тензии, а интересно е што Струга победи на истиот начин како Шкупи во Чаир во есенскиот дел од сезоната, преку пенали. Сандеј Адетунџи пропушти голема прилика во 14-тата минута, за по само десетина минути да стигне казната. Голманот Кристијан Наумовски направи пенал, го реализираше Буњамин Шабани.

Шкупи имаше иницијатива, но Струга одлично се бранеше, за потоа во 88-та минута преку нов пенал кој сега го реализираше Ибраими да дојдат до 2:0. Шкупи со голот на Фреди Алварез во 98-та минута исто така од пенал само го ублажи поразот.

Во останатите натпревари Брегалница на гости го доби Силекс со 1:2, Шкендија дома го совлада Работнички со 3:1, Академија Пандев беше сигурна против Победа дома со 3:0, додека Скопје и Македонија Ѓорче Петров ремизираа 1:1.