Деновите на Лев одброени: Клоп прв кандидат за нов селектор

Јоаким Лев ќе остане селектор на Германија до Европското првенство следната година, потврди директорот на националниот тим Оливер Бироф по тешкиот пораз од Шпанија.

„Билд“ веќе има информации за потенцијален наследник на селекторското место. Еминентниот весник објави две имиња, а меѓу нив се Ханси Флик и Јирген Клоп.

Флик, наводно, е поблиску до преземање на репрезентацијата. Тој од 2006 до 2014 година имаше улога на помошник во националниот тим и поради тоа се шпекулира дека би бил подобар избор.

Од друга страна, Клоп не е реална опција. Тој има договор со Ливерпул на уште четири години и нереално е да се очекува дека би можел следното лето да го напушти тимот од „Енфилд“.