Денвер во драматичен натпревар победи против Голден Стејт, дабл-дабл за Јокиќ, дербито за Бакси (ВИДЕО)

Изминатата вечер во НБА лигата беа одиграни пет натпревари.

Денвер Наџентси во драматичен натпревар славеа против Голден Стејт после продолженија со 134:131. Во поголемиот дел од натпреварот Денвер имаше двоцифрено заостанување за во последната четвртина да успее и да поведе. Јокиќ во последните моменти погоди и избори продолжение, после кое Наџентси стигнаа до триумф.

Српскиот центар го заврши натпреварот со учинок од 23 поени, 12 скокови и осум асистенции, додека во неговиот тим најефикасен беше Вил Бартон со 31 поен.

Клиперси со 122:95 беа подобри од Орландо, Каваи Ленард беше најефикасен кај победниците со 32 поени, Никола Вучевиќ за поразените уфрли 22 поени и запиша девет скока.

Феникс убедливо го совлада Њујорк со 121:98 со одличен учинок на Девин Букер кој постигна 29 поени, Рики Рубио додаде 25 поени и 13 асистенции, а Деандре Ејтон покрај 26 поени имаше и 21 скок.

Во дербито на Истокот Милвоки беше подобар од Бостон со 128:123. Јанис Антетокумпо имаше 32 поени и 17 скокови, Крис Мидлтон додаде 23 поени. На Селтикси не им беа доволни ниту 40 поени на Кемба Вокер.

Њу Орлеанс после продолженија стигна до триумд против Јута со 138:132. Брендон Инграм во победничкиот тим постигна 49 поени, Донован Мичел на спротивната страна уфрли 46 поени.