Дел Пиеро се спореди себе со Меси и Роналдо

Поранешниот капитен на Јувентус, Алесандро Дел Пиеро се спореди себе со најдобрите играчи на денешницата Лионел Меси и Кристиано Роналдо, а зборуваше и за продолжувањето на Серија А и Бундеслигата.

Дел Пиеро смета дека е поблиску до ѕвездата на Барселона.

„Поблиску сум до Меси. Не сум баш висок. Кога играв се обидував да постигнам гол и да и помогнам на екипата користејќи ги своите вештини. Кристиано е друг тип на играчи, многу е физички силен“.

Дел Пиеро зборуваше за предлогот на Клаудио Лотито за Јувентус и Лацио да играат плеј-оф за шампион на Италија.

„Се ова е многу чудно бидејќи прв пат сме соочени со нешто непознато, мораме да се однесуваме поинаку. Тешко е да се носиме со ситуацијата. Ми недостасува фудбалот и сите негови сегменти. Идејата на Лотито? Навистина се надевам дека постои начин на кој ќе го завршиме првенството на примерен начин. Можеби ќе мора да се игра во јули и август, но се надевам дека нема да има промена на форматот, понишување на натпревари“, изјави Дел Пиеро.