Делофеу игра на „сигурно“, погледнете каква клазула доби во договорот!

epa05627328 Gerard Deulofeu of Spain celebrates a goal during the UEFA European Under-21 Championship qualifying play-off match between Austria and Spain in St. Poelten, Austria, 11 November 2016. EPA/LISI NIESNER

Шпанецот неодамна стана првото засилување за Барселона во овој преоден рок, а веќе се зборува за негово заминување од клубот.

Жерар Делофеу ги одби понудите од Милан и Рома за да го исполни детскиот сон и да си ја проба шансата во првиот тим на Барселона.

Тој кариерата ја започна на „Камп Ноу“, но проценките беа дека нема квалитет за првиот на Барселона, па беше испратен на позајмици во Евертон и Севиља, а потоа и официјално стана член на тимот од „Гудисон Парк“.

После една сезона во редовите на „карамелите“, новиот тренер Роналд Куман го отпиша, па заврши како позајмен фудбалер во Милан, а токму „росонерите“ имаа намера да го откупат од Евертон ова лето.

Сепак, Барса се вмеша, ја активираше клазулата од 12 милиони евра и го врати. Му беше ветено место во првиот тим, па Шпанецот одлучи да остане.

Но, Делофеу ништо не препушти на случајноста тој се договори со Барселона за клазула во договорот според која може слободно да замине наредното лето доколку не добие адекватна минутажа.