Поранешниот претседател на Интер Масимо Морати во разговор за РТВ Сан Мартино порача дека и тој би размислувал за ангажирање на Кристијано Роналдо, доколку бил претседател.
Да потсетиме, Јувентус пред неколку дена го официјализира доаѓањето на една од двете најголеми фудбалски ѕвезди во 21 век, а Мората ја искористи приликата да им честита.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
„Доколку бев се уште претседател на Интер, би размислил за тоа. Јуве заврши добра работа, ми се допаѓа како навивачите се изненадени, ова е вистински поклон за нив. Слична ситуација имав кога го донесов Роналдо (Бразилецот). Му честитам на Јувентус бидејќи направи прекрасна работа.“ – порача Морати.
Морати беше претседател на Интер од 1995. до 2013. година, а за тоа време донесе неколку огромни фудбалски ѕвезди како што се Роберто Карлос, Кристијан Виери, Адриано, Ибрахимовиќ, Креспо. Нормално, неговиот најголем успех е донесувањето на Роналдо од Барселона.
Учество во игри на среќа е дозволено за лица со 18+ години. Играј одговорно!