Дали Хаверц со еден потег го потврди трансферот во Челзи?

Челзи ова лето сака значително да го засили тимот и ќе биде многу активен на трансфер пазарот.

Откако го потврдија трансферот на Тимо Вернер, следна цел на „сините“ е ѕвездата на Баер Леверкузен, Каи Хаверц.

20-годишниот талент е продукт на школата на Баер Леверкузен и веќе две сезони блеска во Бундеслигата. „Фармацевтите“ сигурно нема лесно да се откажат од него, а неговата цена секојдневно расте. 

На социјалните мрежи веќе се појавија информации дека Челзи е заинтересиран за Хаверц, а интересно е што ѕвездата на Леверкузен стави „лајк“ на таа вест.

Хаверц во моментов се проценува на 85 милиони евра, а Челзи е спремен да ја плати таа сума и да ја победи конкуренцијата.