Далиќ пред полуфиналето: Сакаме повеќе

Селекторот на хрватската репрезентација, Златко Далиќ истакна дека пласманот во полуфинале е голем успех, но „коцкестите“ сакаат повеќе.

„Ние сме меѓу четирите најдобрите тимови во светот. Тоа е исклучителен успех за Хрватска, но ние сакаме повеќе. Играме против големата Аргентина предводена од Лионел Меси. Го анализиравме противникот, јас по природа сум оптимист и верувам на играчите“, изјави Далиќ.

„Мојот тим има неверојатен карактер, инаку немаше да бидеме во полуфинале и тоа после два меча кои ги игравме на продолженија. Имаме сила, желба и енергија. Ќе го дадеме најдоброто од себе“, додаде селекторот.