Гризман за дербито на денот на ЕП: Дел од моето семејство ќе навива за Португалија

Денес во дербито на денот на Европското првенство ќе се сретнат Франција и Португалија. Во реприза на финалето од 2016 година двете репрезентации ќе ги одмерат силите во Будимпешта.

Гризман со голема чест и задоволство ги брани боите на Франција меѓутоа семејството на неговота мајка води потекло од Португалија, па тој е убеден дека дел од неговите најблиски ќе навиваат за Португалија.

„Овој натпревар е навистина посебен за моето семејство. Сигурен сум дека дел од семејството натпреварот ќе го гледа во дрес од Португалија, а друг дел во дрес од Франција. Како и да заврши натпревар, некој на некого ќе му се потсмева на крајот“, изјави Гризман.

Ќе потсетиме во финалето во 2016 година Португалија ја победи Франција со 1:0. Денешниот дуел се игра со почеток од 21:00 часот.