Фудбалскиот клуб Манчестер Сити побара состанок кај судиската организација на ПЛ, по повод острите стартови на кои беа изложени играчите на изминатите натпревари.
Како што денес пренесува „Скај“, управата на Сити испратила писмо до шефот на здружението на професионални судии во ПЛ, Мајк Рајли, бидејќи се незадоволно од острите стартови кои ги правеа протвничките играчи во изминатите недели.
Шанса да станеш YouTuber! Приклучи се! ↓↓↓
Фудбалерот на Сити, Сане закрепнува од повреда на скочниот зглоб која ја заработи по стартот на играчот на Кардиф, Џо Бенет во текот на мечот од ФА Купот. Бенет заработи жолт картон, а набрзо беше исклучен ппоради втор жолт во вториот инцидент.
Фил Фоден изминатата недела се врати на тренинзите, по повредата со која се здоби на мечот со Лестер во декември.
Тренерот на Сити, Пеп Гвардиола побара неодамна судиите повеќе да ги штитат фудбалерите од острите стартови. Освен повредата на Сане и Фоден, Сити во писмото укажа на острите стартови на кои беа изложение Кевин Де Бруин, Дијас, како и Гундоган, а во тие ситуации не е покажан ниту еден црвен картон кон противничките играчи.
Првопласираната екипа во Премиер лигата, Манчестер Сити наведе и дека сака да разговара за ретроактивните казни за острите стартови кои не беа соодветно санкционирани на натпреварите.
Учество во игри на среќа е дозволено за лица со 18+ години. Играј одговорно!