Го поврзуваа со Барселона, а сега се огласи самиот Мончи

Oвие денови во италијанските и шпанските медиуми се пишуваше за можно враќање на Мончи во Шпанија и тоа овој пат во редовите на Барселона.

Мончи во Рома пристигна во април 2017 година откако претходно помина скоро две децении во Севилја, а во римскиот клуб за релативно краток период доведе голем број фудбалери.

Познат е по тоа што знае да пронајде добар, а не така скап играч, па интерес за неговите услуги покажа Барселона. Се пишуваше дека семејството на Мончи би било главната причина поради коај тој би се вратил во Шпанија, но барем засега од тоа нема да има ништо.

„Во овој момент немам намера да се враќам во Шпанија, среќен сум тука каде што сум. За иднината не размислувам, фокусиран сум на Рома и пред мене се уште неколку години во овој клуб“, изјави Мончи за италијанските медиуми.

Барселона во Мончи како што се пишуваше гледа човек кој може многу да помогне и во работата на фудбалската школа „Ла Масија“.