Го објавија датумот и терминот за „Ел Класико“

Најголемото дерби во шпанскиот фудбал помеѓу Барселона и Реал Мадрид ќе се игра на 24-ти октомври во 16 часот.

Денес Ла Лига официјално ги објави термините за следните кола, па „Ел Класико“ повторно ќе се игра во попладневен термин, а главна причина за тоа е азискиот пазар.

И минатото „Ел Класико“ требаше да се игра од 13 часот, но поради нередите во Каталонија беше одиграно на 18 декември наместо на 26 октомври, и тоа во ноќен термин.

Во сезоната 2017/18 првото „Ел Класико“ се играше од 13 часот, додека второто на „Камп Ноу“ почна во 16.15 часот.

Ова ќе биде прво „Ел Класико“ за оваа сезона и за жал ќе се игра пред празни трибини на „Камп Ноу“.