Готово: Тоти после 30 години ја напушта Рома!

Тоти одлучил!

Како што пренесуваат италијанските медиуми „Принцот на Рим“ одлучил да го напушти клубот во кој ја помина целата кариера

Имено, Тоти донел одлука да ја напушти Рома, а во понеделник на конференцијата за новинари ќе ја образложи својата одлука.

Тој наводно во мај размислувал да се повлече, а сега донел конечна одлука.

Не се појавил на состанокот на управата кој првиот човек на клубот Палота го организирал во Лондон минатата недела што било јасен знак.

Тоти наводно не е задоволен од одредени избори кои клубот ги направил и не му се допаднало што клубот се разделил со Масаро, како ни што го ангажирал Петраки.

Извршниот директор Фиенага се обидел да го убеди да остане, но тој веќе одлучил.

Тоти во Рома е од 1989 година кога како 13 годишник пристигна во академијата.
Три години подоцна се приклучи на првиот тим, дебито го запиша на 28-ми март 1993 година кога Вујадин Бошков му даде шанса на само 16 години.

Од играчката кариера се повлече во 2017 година после 786 натпревари и 307 голови. Со Рома освои Серија А, два Купа на Италија и два Суперкупа на Италија.

Ниту еднаш во кариератан е го промени клубот, а по завршувањето на кариерата стана функционер во клубот, но сега после 30 години ќе го напушти.