Големи ветувања: Меси ќе остане, ќе го вратам Гвардиола, а дел од клубот ќе бидат Пујол, Иниеста, Чави…

Oткако Бартомеу си поднесе оставка за местото претседател на Барселона има неколку кандидати.

Помеѓу кандидатите е Виктор Фонт, ако веруваме на добар дел од каталонските медиуми тој е еден од фаворитите.

Со својата кандидатура тој до навивачите даде и тоа како големи ветувања. Фонт најави дека ќе го задржи Меси и ќе го врати Гвардиола на клупата, а како дел од клубот би биле и Чави, Иниеста, Пујол…

„Мојата цел и воопшто на новото раководство ќе биде враќање на оние луѓе кои во минатото натправија многу за Барселона. Меси ве уверувам дека ќе остане до крајот на кариерата, главна цел ќе ми биде враќање на Пеп Гвардиола на клупата. Дали сметам дека е можно? Да, инаку не би го зборувал“.

„Освен тоа ќе се борам во клубот д бидат легенди како Пујол, Чави, Иниеста…Тие луѓе подобро знаат како да ни помогнат отколку некои анонимуси“, најави Фонт.