Голема победа, Македонија со 8 гола предност патува во Романија

Македонската ракометна репрезентација со поддршка од трибините во „Борис Трајковски“ стигна до голема победа против Романија (30:22).

Македонија одлично го отвори мечот и после неполни три минути игра поведе со 3:0, а Талески од самиот старт покажа дека ова ќе биде негова вечер.

Романија во после 17 минути игра успеа да дојде до израмнување (10:10), но потоа следуваа два гола на Лазаров, а на полувреме заминавме со предност 16:13.

Во вториот дел гледавме вистинско шоу на македонската репрезентација, со атрактивни погодоци и цепелини. Во последните минути комплетно се распадна играта на Романија, а ние тоа го искористивме за победа од 30:22.

Најефикасен ракометар на мечот беше Талески со 10 гола,  Кирил Лазаров  и Филип Кузмановски  дадоа по седум гола.