Гигант за овие простори: Динамо заработил неверојатна сума од УЕФА од 2009 година

Динамо Загреб е вистински гигант на овие простори во секоја смисла на зборот, а тоа го покажуваат и бројките.

Имено овој клуб од 2009 година па наваму заработил 180 милиони евра од настапите во УЕФА натпреварувањата.

Ако пресметаме во просек, доаѓа сума од 13.5 милиони секоја година. Тоа е сума за која другите клубови, посебно за нашите е научна фантастика.

Треба да се спомене дека сите хрватски клубови вкупно имаат 220 милиони евра, додека српските 150 значи Динамо има повеќе од сите српски заедно. Во овој момент дресот на Динамо Загреб го носат македонските репрезентативци, Стефан Ристовски и Аријан Адеми.