Гвардиола во Сити го носи поранешниот миленик од Барселона?

Шпанскиот тренер Пеп Гвардиола ја разгледува опцијата во јануарскиот преоден рок да ангажира уште еден фудбалер од средниот ред.

Манчестер Сити загуби два натпревари по ред во ПЛ и тоа од Кристал Палас и Лестер, а интересно е дека и во двата натпревари не настапи Фернандињо кој е повреден.

Со оглед дека Бразилецот нема да биде во комбинација уште некое време, Шпанецот ќе тргне во шопинг. Како што пренесуваа медиумите од Островот, прв на листата на негови желби изненадувачки е играчот на Челси, Сеск Фабрегас.

Поранешниот шпански репрезентативец има проблем да избори место во екипата на Челси откако на клупата пристигна Сари, а Гвардиола е негов поранешен соработник од Барселона. Иако соработуваа во време кога Сеск беше на врвот од кариерата, Пеп очигледно се уште верува дека во него има уште квалитет и дека може да биде корисен за Граѓаните во следниот период.

Да потсетиме, за услугите на Фабрегас се интересираат уште Монако и Милан, а доколку дојде повик од Гвардиола, Шпанецот тоа тешко може да го одбие.