Гатузо: Кога го примивме првиот гол, исчезнавме од теренот!

Милан синоќа загуби од Наполи со 3:2, иако до 55-та минута имаше водствот од два гола разлика.

Тренерот Гатузо ја презеде вината за психолошкиот пад и истакна дека тимот откако го примил првиот гол едноставно „исчезнал од теренот“.

„Најмногу жалам што при резултат 1:2, ние едноставно исчезнавме од натпреварот. Секој почна да го интерпретира дуелот на свој начин и се изгубивме на теренот. Треба да работиме над овој проблем. Разочаран сум од недостатокот на реакција. Ја преземам целосно вината, бидејќи кога тимот се плаши, вината е на тренерот. По првата грешка едноставно се исклучивме од играта“, истакна Гатузо.

„Доминиравме во текот на 55 минути, но по првото опуштање, едноставно се распаднавме и дозволивме на Наполи да се врати во натпреварот. По првиот нивен гол едноставно застанавме да дејствуваме како целина. Болно е после една ваква партија да си одиме дома без бодови“, додаде тренерот на „росонерите“.