Гатузо го губи трпението: На Бакојоко му е поставен услов, ако не го исполни се враќа во Лондон

Тимот на Милан ова лето го доведе Бакајоко од Челзи, но во редовите на „сините“ овој фудбалер би можел да се врати порано од очекуваното.

Бакајоко минатата година од Монако пристигна во Челзи како големо засилување, но во првата сезона не ги оправда очекувањата и „сините“ одлучија да го испратат на позајмица, Милан тоа како едвај да го чекаше и веруваа дека обезбедија големо засилување во средниот ред.

Сепак, овој 24 годишен фудбалер запиша само четири настапи во Серија А, а неговите натпревари беа катастрофални. Во италијанските медиуми веќе се пишува дека Бакајоко уште во јануари ќе биде вратен во Челзи бидејќи „росонерите“ сериозно размислуваат да го раскинат договорот за негова позајмица.

Се наведува дека во Милан веќе имале разговор со фудбалерот и јасно му порачале дека доколку драстично не ја поправи својата игра ќе ја прекинат позајмица во јануари. Наводно, Џенаро Гатузо му порачал дека има шест натпревари да се докаже или во спротивно ќе ја грее клупата, а во јануари ќе му даде и повратна карта за Лондон.