Време беше: ФФМ конечно си го врати Фејсбук профилот

Фудбалската федерација конечно успеа да си го врати Фејсбук профилот кој беше во рацете на непознати хакери кои споделуваа смешни видеа и фотографии од кинески девојки.

Пред околу еден месец изгледаше дека профилот е вратен бидејќи се појавија неколку „нормални“ објави, но подоцна стана јасно дека хакерите си поиграле со јавноста.

Денес од ФФМ потврдија дека профилот е во нивни раце.

„Време беше! Еве сме, повторно. Споделувај и се гледаме!“, започнува објавата за најава за билети за натпреварот со Италија.

Профилот се враќа можеби во вистиснко време пред мечот со Италија која гостува во Скопје на 9. септември.