Во соблекувалната на Манчестер Јунајтед вчера беше вистинска лудница! (ВИДЕО)

Манчестер Јунајтед се избори за пласман во четвртфиналето од Лигата на шампионите со победата против ПСЖ во Париз.

Пари Сен Жермен го доби првиот натпревар на „Олд Трафорд“ со 0:2, но „црвените ѓаволи“ направија неверојатен пресврт и со „крпен“ тим без 10 фудбалери (суспендирани или повредени) меѓу кои беше и Пол Погба успеа да го победи ПСЖ во Париз со 1:3.

До големата победа која ги одведе во четвртфиналето Манчестер Јунајтед стигна со голот на Маркус Рашфорд во 94-тата минута. Дамир Скомина после прегледувањето на ВАР снимката во тие моменти досуди пенал за „црвените ѓаволи“.

Прославата на победата на Манчестер Јунајтед започна уште на теренот, но вистинска лудница настана во соблекувалната. Далот објави видео и откри дел од атмосферата во таборот на англискиот тим.