Во сенка на „Златната топка“ вчера во Италија се избираа најдобрите

Доделувањето на „Златната топка“ вчера беше централно случување, но оваа иста вечер се доделени и наградите за најдобрите во италијанската Серија А.

Асоцијaтијата на фудбалери во Италија организираше церемонија на која се доделуваа наградите за најдобрите од минатата сезона, а очекувано најмногу награди завршија кај членовите на Јувентус.

Јувентус беше избран за најдобар тим во сезоната 2017/2018, а Масимилијано Алегри за најдобар тренер што и не зачудува поради доминацијата на „старата дама“.

Џанлука Роки е прогласен за најдобар судија. Најдобар млад играч од Серија Б е Сандро Тонали, додека голот на Мауро Икарди против Сампдорија беше прогласен за најубав.

https://www.youtube.com/watch?v=CzvxvYHWQsk

За најдобар голман беше избран поранешниот чувар на мрежата на Рома кој сега го носи дресот на Ливерпул, Алисон Бекер.

Во најдобриот тим за минатата сезона беа: Алисон, Кансело, Киелини, Кулибали, Алекс Сандро, Наинголан, Пјаниќ, Милинковиќ-Савиќ, Дибала, Икарди, Имобиле.