Воска го отпушти Радовиќ, ќе го замени со Захариевски

По првиот натпревар во вториот дел од сезоната екипата на Воска Спорт го отпушти тренерот Миљан Радовиќ,  а се очекува негов наследник да биде Срѓан Захариевски.

Во моментов охридскиот клуб има само два бода повеќе од Македонија Ѓорче Петров и Вардар, кои се на последните две позиции на табелата.

Захариевски веќе има големо искуство во Првата македонска фудбалска лига, а последниот ангажман му беше во редовите на Струга Трим Лум.

Захариевски во својата тренерска кариера ги водеше и Металург и Пелистер.