Дома Македонски спорт Мак фудбал Влахо по победата со Борец: Три бода на стартот е одличен начин да се отвори сезоната

Влахо по победата со Борец: Три бода на стартот е одличен начин да се отвори сезоната

Работнички со победа ја отвори новата сезона во Првата фудбалска лига. На арената „Тодор Проески“ гостуваше Борец, а нашиот тим славеше со 1-0, со голот на Александар Ристевски во 30.минута.

Шефот на стручниот штаб Александар Влахо е задоволен од освоените три бода, вели дека тоа е одличен старт на новиот шампионат. Триумфот е остварен со максимално залагање на фудбалерите.


Вака се слави гол во 120-та минута!!! ↓↓↓


„Кога ќе се оствари  победа на првиот првенствен натпревар и ќе се освојат три бода, тоа секако е одличен старт на сезоната. Сакам да им честитам на фудбалерите за големата пожртвуваност и исцрпувачките напори на жешкото време. Во првото полувреме прикажаа допадлива игра, а во вториот дел умееја да ја сочуваат минималната предност. Задоволен сум од тимот во целина, иако треба уште многу да се работи затоа што направивме неколку промени ова лето. Александар Ристевски и Александар Позњак одлично се вклопија во одбраната, покажавме цврстина, но и желба за надигрување преку Тодоровски, Тантуровски, Ристовски. И сите останати го следеа нивниот ритам. Честитки и за Борец, одлично парираа, тоа е цврст тим кој тешко се пробива и има квалитетни фудбалери. Сега ќе се фокусираме на следното коло и натпреварот во Струмица против Академија Пандев“, вели Александар Влахо.

Овој натпревар ќе се игра под рефлектори во 20 часот, претстојниот викенд.

Фото: ФК Работнички

Коментари
Прочитајте поврзани статии
Load More In Мак фудбал

Проверете

Македонија направи чекор назад на ФИФА ранг листата

Македонската фудбалска репрезентација на најновата ФИФА ранг листа која ќе биде објавена н…