Вилијамс: Кога изгубивме со голема разлика од Портланд Коби на сите ни ги зема неговите патики

Денес кошаркарот на ЛА Клиперс, Лу Вилијамс во еден период од неговата кариера го носеше дресот на Лејкерси.

Вилијамс играше заедно со Коби Брајант, а после трагичната смрт на легендарниот кошаркар тој раскажа една приказна која го покажува победничкиот менталитет на Коби.

„Игравме против Портланд на гости и изгубивме со голема разлика. Коби беше лут поради тоа и во соблекувалната на сите им ги зема патиките со неговото име. Само ни кажа: Не заслужувате да ги носите моите патики, премногу сте меки“, раскажа Вилијамс.

Оваа приказна само го потврдува она што сите го знаеа за Коби, дека беше роден победник.