Видео: Јокиќ со нова неверојатна вечер, Леброн до дабл-дабл, Кливленд поразен

Изминатата вечер во НБА лигата беа одиграни девет натпревари.

Неверојатниот Никола Јокиќ повторно го предводеше Денвер до нова победа, овој пат против Детроит (120:113).

Јокиќ повторно оствари трипл-дабл и ова беше негов осми оваа сезона во НБА лигата. Србинот натпреварот го заврши со 23 поени, 12 скокови, 10 асистенции, 3 блокади и 1 украдена топка.

Најефикасен на натпреварот беше Блејк Грифин со 26 поени, девет асистенции и шест скокови, но тоа не беше доволно за Детроит да го избегне поразот. Во Денвер покрај Јокиќ одлични беа Мареј со 26 поени и Бартон со 23 поени.

Дрејмонд за Детроит оствари дабал-дабл учинок од 21 поен, 17 скокови и две асистенции.

Хјустон остана на лидерската позиција благодарение на новата победа над Клиперси од 101:96. Џејмс Харден стигна до учинок од 24 поени, седум асистенции пет скокови, додека Клинт Капел имаше 19 поени, 12 скокови и дури шест блокади. На друга страна Тобијас Херис уфрли  29 поени, Остин Риверс 20, Деандре Џордан 18.

Кливленд со поразот од Портланд (113:105) си го доведе четвртото место во прашање.

Домаќинот беше предводен од одличниот тандем Лилард-Меколум Лилард натпреварот го заврши со 24 поени, додека Меколум со 29 поени. На Кливленд не му помогна одличниот настап на Леброн Џејмс со 35 поени, 14 скокови и шест асистенции.

За Портланд ова беше 11 победа во низа со која се искачи на третата позиција на Западот, на другата страна Кливленд е четврти со само победа помалку од Индијана.

НБА резулати

Индијана – Торонто 99:106

Атланта – Шарлот 117:129

Њујорк Никси – Филаделфија 110:118

Хјустон – Лос Анџелес Лејкерси 110:96

Мемфис – Чикаго 110:111

Сан Антонио – Њу Орлеанс 98:93

Денвер – Детроит 120:113

Јута – Феникс 116:88

Портланд – Кливленд 113:105