(Видео) Шкендија главна тема во Италија!

Македонската спортска јавност денес ги дозна противниците на Вардар и Шкендија, додека на Вардар противник ќе му биде турски Фенербахче, Шкендија ќе оди на двомеч со големиот Милан.

Веднаш по добивањето на Шкендија, италијанските гиганти спремија најава за македонскиот претставник, а најопширна во најавата беше „Газета Дело Спорт“.

Популарниот италијански весник помеѓу другото пишува за ударното дуо на Шкендија, Бесарт Ибраими и Ферхан Хасани. Се истакнува дека Хасани е најдобриот поединец во тимот предводен од Ќатип Османи. Тие ја споменуваат и позицијата на УЕФА ранг листата на која клубот од Тетово се наоѓа на 314 позиција. За крај се наведуваат противниците кои Шкендија успеа да ги елиминира до оваа плеј-оф рунда, Дачија, Хелсинки и Тракаи.

„Тутоспорт“ и „Калчомеркато“ беа кратки во своите најави тие само најавија дека италијанскиот претставник во плеј-офот од Лигата на Европа ќе се сретне со Шкендија и дека италијанската јавност очекува лесен двомеч и пласман на Милан во групната фаза од Лигата на Европа.

За крај погледнете ја реакцијата на Бонучи и Монтела кои заедно ја следеа ждрепката. Моментот кога е извлечена Шкендија е на 8.40.