Видео: „Подморницата“ тоне и со нов тренер, испушти два гола предност!

Тимот на Виљареал испушти два гола предност против Еспањол и на крајот освои само еден бод (2:2).

„Жолтата подморница“ оваа сезона е во катастрофална форма, што дојде до промена на тренерот, но денес повторно не успеа да ги освои трите бода.

Мечот почна добро за „жолтите“ кои дојдоа во водство преку Ибора во 37-та минута. Казорла во 64-та минута погоди од пенал за 2:0 и се чинеше дека Виљареал конечно ќе дојде до трите бода.

Меѓутоа, во последните 15 минути најпрво Бонера си постигна автогол, а потоа во 81-та минута Росалес израмни на 2:2.

Виљареал моментално се наоѓа на претпоследната позиција на табелата и го чека грчевита борба за опстанок.