Изминатата вечер во НБА лигата беа одиграни шест натпревари.
Големата плеј-оф драма Западот доби нов заплет бидејќи минатата ноќ Оклахома однесе голема победа над Клиперси 121:113.
Дерби на Манчестер: Да се види кој е полош!? ↓↓↓
Најефикасен во редовите на Оклахома беше Бруер со 22 поени кој ги имаше можеби и двата најважни моменти на натпреварот. Прво погоди тројка од аголот на 104 секунди пред крајот со која Оклахома се „одлепи“ на десет поени предност, за на 26 секунди пред крајот да ја украде топката на противникиот и така да го одлучи натпреварот.
Во редовите на Клиперси распоожени за игра беа Тобијас Харис со 24 поени, Остин Риверс со еден помалку, додека Деандре Џордан запиша 11 поени и дури 21 скок! Милош Теодосиќ на паркетот помина 29 пминути и собра 12 поени.
Кај Оклахома до нов трипл-дабл стигна Расел Вестбрук со 16 поени, 11 асистенции и 10 скокови. Стивен Адамс запиша 18 поени и 14 скокови, а Пол Џорџ 19 поени.
Сакраменто успеа да го сруши шампионот Голден Стејт (98:93). Без Стеф Кари, Клеј Томпсон и Кевин Дурант Вориорсите изгледаа како просечен тим. Во редовите на Кингси најефикасен беше Хилд со 22 поени, Скал Лабси додаде 15, а Богдан Богдановиќ собра 11 поени за 24 минути поминати на паркетот.
Во поразениот тим на Вориорси најефикасен беше Квин Кук со 25 поени, Дрејмонд Грин стигна до дабл-дабл учинок од 14 поени, 10 скокови, 7 асистенции и 2 блокади.
Голема победа однесе и Мајами против Лејкерси 92:91. Мајами со оваа победа се избори за седмото место на Источната конференција. Во натпреварот со драматична завршница се истакна Горан Драгиќ кој натпреварот го заврши со 30 поени.
Кај Мајами Џулијас Рендл стигна до дабл-дабл од 25 поени 12 поени, го следеше Брук Лопез со 18 поени.
НБА резултати:
Орландо- Бостон 83:92
Филаделфија – Бруклин 120:116
Торонто – Далас 122:115
Оклахома – ЛА Клиперси 121:113
Голден Стејт – Сакраменто 93:98
ЛА Лејкерси – Мајами 91:92
Учество во игри на среќа е дозволено за лица со 18+ години. Играј одговорно!