Видео: Незапирливиoт Леброн пишува историја, Кливленд изедначи во финалето на Истокот!

Кошаркарите на Кливленд изедначија на 2:2 во победи во серијата со Бостон во финалето на Истокот, откако во четвртиот натпревар на домашен терен славеа со 111:102.

Слично како и во третиот натпревари, Кавси рано стигнаа до голема предност. Селтикси се држеа во првите пет-шест минути, за Кливленд потоа предводен од Џејмс и Корвер да отиде на големи +19.

Леброн полувремето го заврши со 22 поени, Корвер со 14, а одигра одлично во одбрана на Џејлејн Браун. Селтикси не се предаваа и стигнаа -9, но и тогаш Кавси го одбија нивниот налет.

Во раната фаза од третиот период Лав ја заработи петата лична грешка, набрзо потоа и Морис на другата страна, а домаќинот ја чувеше двоцифрената разлика. Важна епизодна улога во последната четвртина одигра и Ненс, а Џејмс цврсто го држеше кормилото и го одведе својот тим до победа.

Леброн уште една влезе во историјата бидејќи сега е прв на сите времиња по погодени шутеви од игра во плеј-офот. На оваа средба „кралот“ запиша 44 поени (17/28 од игра), 5 скокови и 3 асистенции, имаше и 7 изгубени топки. Ова е веќе шести пати во овој плеј-оф Џејмс да има повеќе од 40 поени. Единствено Алеј Ајверсон во 2001 година имаше шест натпревари со 40+ во ист плеј-оф.

Корвер остана на 14 поени од првиот дел, Тристан Томпсон уфрли 13 поени, имаше 12 скока и 2 блокади, Џорџ Хил додаде 13 поени, 4 скока и 3 асистенции, Смит и Лав постигнаа по 9, Ненс 7.

Најефикасен кај Бостон беше Џејлен Браун со 25 поени и шест скокови, Џејсон Татум додаде 17 поени, Тери Розир 16 поени и 11 асистенции, додека Ал Хороворд уфрли 15 поени и запиша пет скока.

Следниот натпревар се игра ноќта измеѓу среда и четврток со почеток од 2:30 по наше време.