Видео: Наполи со „луд“ пресврт го победи Милан!

Наполи и Милан одиграа фантастичен натпревар на „Сан Паоло“ со пет погодоци, кој на крајот му припадна на домаќините.

Милан има за што да жали, одлично го отвори натпреварот и дојде до водство во 15-та минута со прекрасниот гол на Бонавентура. Домаќините потоа ја презедоа контролата на топката, но не успеаа да создадат посериозна шанса за гол.

Второто полувреме започна со нов шок за Наполи. По асистенција на Сусо, Калабрија погоди за 2:0, но само неколку минути подоцна Зиелински ги врати домаќините во живот, откако Биглија загуби топка на својата половина.

Во 67-та минута Наполи дојде до израмнување повторно преку Зиелински кој зафати еден волеј после корнер. Комплетниот пресврт беше дело на Мертенс, кој во 80-та минута го матира Донарума за конечни 3:2.