Видео: Македонија У19 подобра од Летонија, Колевски херој!

Македонската фудбалска репрезентација до 19 години ja победи репрезентацијата на Летонија во рамките на Купот на Федерации.

„Црвено-жолтите“ дојдоа до победа благодарение на Бојан Колевски, кој се запиша во листата на стрелците во 57-та и 75-та минута. Домаќинот на турнирот постигна почесен гол преку Озолинс во 80-та минута од средбата.

Македонија У19 наредниот меч го игра во сабота против врсниците од Украина, а во понеделник ќе ги одмери силите со Фарски Острови.