Видео: Гигантот на колена – Тотенхем го прегази Јунајтед

Манчестер Јунајтед доживеа дебакл и уште еднаш ги разочара фановите откако на домашен терен беше поразен од Тотенхем со 3:0.

Ова е втор пораз за „црвените ѓаволи“ од почетокот на сезоната и сега столчето на Мурињо сериозно е разнишано.

Во првите 45 минути видовме жестока битка на средината на теренот, без големи шанси, а најзрелата прилика ја имаше Лукаку, откако го помина и голманот Лорис, но не успеа да го погоди празниот гол.

Во второто полувреме тимот на Мурињо се „распадна“ за неколку минути. Хари Кејн со одличен удар со глава го отвори резултатот во 50-та минута по центаршутот на Трипие, а само две минути подоцна веќе беше 0:2 откако Лукас Моура погоди по додавањето од Ериксен.

Потоа во игра влезе Санчез и домаќините заиграа подобро, но не успеаа да постигнат гол, а конечните 3:0 ги постави Лукас во 84-та минута.