Видал: Дојдов во Интер поради Конте, сакам да ја освојам Серија А и ја сонувам ЛШ

Артуро Видал од оваа сезона го носи дресот на Интер, Чилеанецот по доаѓањето на Роналд Куман беше означен како „вишок“ и го напушти клубот.

Неколку клубови се интересираа за неговите услуги, а на крајот тој одлучи да се врати во Серија А каде што претходно го носеше дресот на Јувентус. Во интервју за „Кориере дело Спорт“ Видал зборуваше зошто се решил да ја прифати понудата на Интер.

„Тука сум првенството поради Конте. Три години бевме заедно во Јувентус и тоа беше незаборавно искуство. Долго разговаравме ова лето и клубот направи се за да ме доведе. Конте е ист тренер како што беше во Јувентус. Сака фудбал и пренесува страст. Сериозно може да се налути ако направиш грешка“, истакна Видал.

Зборуваше Видал и за случувањата во Барселона.

„Бев среќен во Барселона, моите соиграчи ми станаа големи пријатели, но работите се променија и одлучив да дојдам тука. Чувствувам глад за освојување на Серија А и го сонувам трофејот во Лигата на шампионите“, порача чилеанскиот фудбалер.