Венгер зборуваше за газдата на Челзи и откри каква клазула секогаш имал во својот договор

Веќе со денови наназад една од главните теми во Англија е влегувањето на сопственикот на Челзи во соблекувалната и неговиот настап.

Боели почекал Лампард да заврши со обраќањето, а потоа сосема јасно ставил до знаење дека сопствениците не се задоволни од резултатите во однос на потрошените пари кои ги вложија во тимот. Наводно и нивната игра ја нарекол „срамна“.

Тоа беше тема и за Арсен Венгер кој во ТВ студио го анализираше натпреварот помеѓу Челзи и Реал Мадрид. Венгер откри дека во сите договори и години кои ги поминал како тренер имал една посебна клазула во договорот.

„Таков однос јас никогаш не би толерирал. Секогаш во својот договор имав клазула и така ги советувам сите млади тренери. Се што сметате дека ви е важно да се почитува во клубот ставете го и во договорот, нека биде јасно за сите“.

„Во мојот договор секогаш стоеше клазула дека никој не може да га купи играч без ваша согласост, никој не може да се меша во тимот и дека исклучиво јас сум одговорен за водење на екипата. Така можете да заземете став и сите ќе ве гледаат поинаку, ќе бидете во подобра позиција кога вас некој тим ќе ве сака“, изјави Венгер.