Вардар со две засилувања пред клучната битка во плеј-офот против Фенербахче

Шампионот, Вардар соопшти денес дека новите засилувања во тимот се Бразилецот, Итало, како и интернационалецот на Гана, Мустафа Куајнор.

Како што се наведува, бразилскиот напаѓач, Итало Хозе Оливиера дос Сантос со Вардар потпишал едногодишен договор.

Тој пристигна од Регатас, а порано настапувал и за Интернасионал, Паулиста, Сао Паоло, како и за португалски Маритимо.

Фудбалерот од Гана пак, Мустафа Куајнор со нашиот првак потпишал двегодишен договор, со можност на продолжување на соработката на уште една година.

Тој е играч за врска, кариерата за започна во Адана Старс од каде што замина за Кипар каде настапуваше за АЕЛ Лимасол, Алки Ларнака и Ермис, како и за австриската екипа Паско Вејл.

Овие две засилувања пристигнуваат непосредно пред клучната битка на Вардар в четврток против Фенербахче за пласман во групната фаза од Лига Европа.