Варан е четврта најскапа продажба во историјата на Реал

Продажбата на Рафаел Варан во Манчестер Јунајтед е четвртиот најскап излезен трансфер во историјата на Реал Мадрид.

Вчера Манчестер Јунајтед го потврди трансферот на Варан и за неговиот потпис ќе му плати на Реал 50 милиони евра плус бонуси.

Во својата историја Реал поскапо продал само тројца фудбалери – рекордните 105 милиони евра за Кристиано Роналдо во Јувентус во 2018 година.

На второ место е Алваро Мората, кој за 80 милиони евра се пресели во Челзи во 2017 година, а во Топ 3 е Анхел ди Марија кој беше продаден во Манчестер Јунајтед за 75 милиони евра во 2014 година.