Валверде ги откри картите: Познат составот на Барселона за Борусија

Фудбалерите на Барселона вечерва играат на гости против Борусија Дортмунд во рамките од првото коло во групната фаза од Лигата на шампионите.

Каталонскиот клуб и во оваа сезона влегува како еден од фаворитите за освојување на титулата шампион на Европа. Во претходните две сезони Барселона доживуваше шокантни елиминации од Рома и Ливерпула.

Оваа сезона во најелитното европско натпреварување Каталонците ќе ја отворат со натпреварот на гостински терен против Борусија Дортмунд. Се сретнуваат тимови кои постигнуваат голови и поради тоа веруваме не очекува спектакуларна пресметка.

Лионел Меси се опорави од повредата и се најде во составот за вечерашниот натпревар меѓутоа тешко е да се очекува дека Аргентинецот ќе го видиме во стартниот тим.

Исто така на клупата би требало да остане и 16 годишниот Ансу Фати кои со своите настпаи ги воодушеви навивачите. Доби шанса бидејќи Валверде имаше огромни проблеми со повредите и тоа го искористи на најдобар начин. Сепак, откако Луис Суарез се врати се очекува Фати да остане на клупата.

Шпанските медиуми утрово објавија дека составот на Барселона е веќе познат и дека промени можат да се случат само ако Валверде направи некое изненадување.

Веројатен состав на Барселона: Тер Штеген, Семедо, Пике, Ленглет, Жорди Алба, Бускетс, Де Јонг, Артур, Перез, Гризман, Суарез.