Ваков ждреб во Лигата на шампионите посакуваат сите неутрални љубители на фудбалот

Со вчерашните натпревари Баерн – Ливерпул и Барселона – Лион завршената е првата фаза од нокаут фазата од Лигата на шампионите.

Познати се сите екипи кои на утрешната ждрепка во Нион ќе ги добијат своите противници, а кога ќе погледнеме за какви екипи станува јасно дека спектаклот нема да изостане.

Не постои комбинација која не би ни донела барем два вистински спектакл во четвртфиналето, но секако постојат и такви кои посебно се посакуваат.

Ова би биле веројатно најпосакуваните парови за неутралните љубители на фудбалот.

ТОТЕНХЕМ – ПОРТО

„Петлите“ од Лондон навистина ретко кога имаат среќа со ждребот во нокаут фазата. Така во минатата години беа елиминирани од екипи како Јувентус и Реал Мадрид, а оваа година сигурно најмногу посакуван противник е Порто.

На сите им е јасно дека Португалците се аутсајдери во оваа конкуренција. Можеби е време конечно Тотенхем да го видиме во полуфиналето?

ЛИВЕРПУЛ – АЈАКС

Не постои љубител на фудбалот кој не би сакал да го гледа овој натпревар. Ајакс со магичната вечер на „Бернабеу“ покажа дека може да игра против било кого, а Ливерпул би бил вистински испит за нив.

Едно е сигурно – головите би требало да бидат загарантирани.

МАНЧЕСТЕР СИТИ – МАНЧЕСТЕР ЈУНАЈТЕД

Не треба ниту да се зборува каков спектакл би било дербито на Манчестер во елиминационата фаза.

ЈУВЕНТУС – БАРСЕЛОНА

И секако за крај го оставаме потенцијалниот пар Јувентус – Барселона. Некои ќе кажат двете најсилни екипи во овој момент во Европа, но секако дека тоа не е во прв план туку новиот судар помеѓу Кристиано Роналдо и Лионел Меси

Посакувате ли ваков ждреб?