Бурни реакции во Шпанија: Судија во Ла Лига свирна крај кога играчот шутна и постигна гол! 🎥

Во вчерашниот натпревар помеѓу Ваљадолид и Севиља во Ла Лига беше видена неверојатна ситуација во која домашните фудбалери постигнаа гол во последните секунди од првото полувреме, но истиот не беше признат.

Сето тоа се случуваше во 50-тата миниута, 60 секунди по истекот на судиското надополнување. Судијата ја крена раката за крај во истиот момент кога домашниот фудбалер по една одбиена топка шутна од 30 метри и ја погоди мрежата.

Следуваа големи протести од домашните фудбалери, но дел од судиските експерти по мечот објаснуваа дека одлуката на судијата била исправна.

To sędzia sobie przerwał mecz XD pic.twitter.com/ByGQ7yZrvR

— Michał (nowe konto) (@majkeI1999) May 14, 2023

На крајот Ваљадолид прими три гола во второто полувреме и претрпе убедлив пораз.

Незадоволство од ваквата одлука изрази и славниот Роналдо Назарио Да Лима кој е сопственик на Ваљадолид.

„НЕДОЗВОЛИВО е ова што се случи на „Зорилја“! Досега молчевме обидувајќи се да го оправдаме нашето незадоволство преку официјални средства за комуникации, состаноци и петиции, а исто така избегнувавме и јавно изложување. Но, веќе е доста! Ова е професионален фудбал и бараме објаснувања.

 Грешки од вакви димензии можат да променат цела сезона. Но, едно нека биде јасно: ќе се бориме против СЕ и против СИТЕ затоа што сме Реал Валјадолид. Нашиот тим, нашите навивачи и нашиот град дадоа сè што имаат и никој нема да ни го одземе тоа“, објави Бразилецот.

¡INADMISIBLE lo ocurrido hoy en Zorrilla! ⁰Hasta ahora habíamos estado callados intentando reivindicar nuestra insatisfacción por medios oficiales, reuniones y peticiones, evitando hacer una exposición pública. ¡Pero basta ya! Esto es fútbol profesional y exigimos explicaciones.…

— Ronaldo Nazário (@Ronaldo) May 14, 2023