Бриж – Лајпциг: Дуел за европска пролет

Амбициите на Лајпциг за долга европска сезона висат на конец и тоа уште сега, пред средина на сезоната. Тие се последни во својата група во Лигата на шампионите а гостуваат кај Клуб Бриж кој славеше во Германија во првиот меч со 1:2.

Избраниците на Џеси Марш се веќе елиминирани од Лигата на Шампиони и можат само да спасат место во Лига Европа во оваа доцна фаза. Овој меч на некој начин е директна битка за пласман на третата позиција.

Бриж не смее да загуби

Бриж шокираше многумина со освојувањето на четири бода од нивните први две пресметки со Лајпциг и ПСЖ, но двата тешки порази од финалистите од минатата сезона Манчестер Сити го вратија белгискиот шампион на земја.

Откако им сервираа пет парчиња во Белгија за конечни 1:5, Манчестер Сити во Англија славеше со 4:1 на „Етихад“, со головите на Рахим Стерлинг, Ријад Махрез, Фил Фоден и Габриел Жесус.

Момците на Филип Клемент не се целосно надвор од трката за пласман на првите две позиции бидејќи се на третото место во групата А, а барем еден од Менчестер Сити или ПСЖ ќе падне бодовно во нивната пресметка оваа недела, па позитивен резултат на домашен терен со Лајпциг ќе ги одржи живи нивните слаби надежи за нокаут рунда.

Како и да е, Бриж не е баш во најдобра форма и овој меч за нив доаѓа во незгодно време. Тие по поразот од Сити, одиграа 2:2 со Стандард Лиеж, а по репрезентативната пауза, односно овој викенд загубија од Мехелен со 2:1 и покрај огромната фаворитска улога.

Лајпциг брка пласман во Лига Европа

Во меѓувреме, Лајпциг веќе знае дека завршува со Лигата на Шампионите, а тоа е навистина огромно разочарување за нив. Тимот од Бундеслигата ја имаше несреќата да биде дел од групата А со ПСЖ и Сити, но тие успеаја барем да освојат бод со ПСЖ минатиот меч.

Тоа беше еден навистина одличен меч. Вајналдум со два гола направи целосен пресврт, откако поранешниот играч на ПСЖ, Кристофер Нкунку го отвори резултатот за Лајпциг, а во втората минута од судиското надополнување на второто полувреме, Доминик Шобошлаи му го донесе првиот бод на Лајпциг во групната фаза.

Екипата на Марш веќе ги загуби своите надежи за настап во следната фаз аи пред тој меч, со три воведни порази последователно, но тоа реми ги врати надежите за пласман на третото место.

Но исто како и кај Бриж, така и за Лајпциг овој меч доаѓа во незгодно време. Викендов загубија од Хофенхајм со 2:0, но покрај поразот крајно загрижувачка беше и играта на тимот.

Лајпциг со еден куп отсуства

Клемент си има проблеми речиси цела сезона. Имаа проблеми со Ковид-19, па со суспензии, со повреди, но некако се навикнаа со такво темпо. Иповторно има Ковид во екипата па овој меч ќе го пропуштат Ван дер Брент, Собол и Сандра кои се позитивни на Коид-19, како и повредените Изкуердо и Провиденце.

Но проблемите на Лајпциг се далеку посериозни. Марш нема да може да смета на вкупно на девет фудбалери, можеби и 10 доколку Шобошлаи не се опорави. Сепак дури и унгарецот да биде спремен, тешко дека ќе може да одговори со 100% од своите можности. Адамс, Хаидара, Холстенберг, Лаимер, Олмо, Поулсен … се само дел од фудбалерите кои нема да настапат за Лајпциг на овој меч. Слична беше ситуацијата и против Хофенхајм и Лајпциг помина многу лошо. Немојте да се изненадите доколку нешто слично се случува и во Белгија.