Брестовац го објави списокот за Турција и Грузија: Помладите ќе добијат шанса!

Селекторот на машката сениорска репрезентација, Данило Брестовац, денеска го објави списокот од 23 ракометари кои ги повика за претстојниот собир и настап на пријателските натпревари во рамки на ЕХФ неделата.

ЕХФ неделата ќе се одржи од 21 до 27 октомври, во рамки на подготвителниот период за настап на Европското првенство 2020 во Австрија, Шведска и Норвешка. Македонската репрезентација ќе одигра дуели со Турција и Грузија.

На списокот не се наоѓа повредениот Стоилов, а не се повикани и Митревски, Георгиевски и Велко Маркоски, па шанса ќе добијат помладите ракометари да се наметнат.