Селекторот на шпанската кошаркарска репрезентација, Серхио Скариоло, најави дека браќата Пау и Марк Гасол би требало да бидат дел од репрезентацијата на следното Европско првенство, што ќе се одржи кон крајот на претстојното лето.
– Пау ми кажа дека ќе дојде. Секако, конечната одлука ќе ја даде по крајот на НБА сезоната, изјавил Скариоло за веб страната на ФИБА.
Шанса да станеш YouTuber! Приклучи се! ↓↓↓
Според неговата најава и помладиот од браќата Гасол, Марк би требало да биде дел од „црвената фурија“.
– Исто така и Марк би требало да дојде и заигра за репрезентацијата по пауза од две години. Младиот Гасол го пропушти Евробаскетот во 2015, а поради повреда не настапи и на Олимпијадата во Рио минатата година, дополни Скариоло.
Потсетување дека и годинашното Европско првенство, како и претходното, ќе се одржи во четири земји: Израел, Романија, Финска и Турција.
Репрезентацијата на Шпанија ќе игра во Ц групата, каде за противници ќе ги има селекциите на Хрватска, Чешка, Црна Гора, Унгарија и домаќинот на оваа група Романија.
Учество во игри на среќа е дозволено за лица со 18+ години. Играј одговорно!